Ons is nie anti-denomineel, denomineel of inter-denomineel nie — ons beweeg eerder doelbewus verby kerklike skeidingslyne om mense rondom Christus te verbind.
Connexo se aanslag is:
- Charismaties wat afgelei is van die Griekse woord charis wat beteken: genade, vriendelikheid, lewe
- Missionêr/”Kingdom minded”
- Vernuwend
Connexo is dogmaties konserwatief en glo in:
- God die Vader (1 Korinthiërs 8:6)
- Die Seun van God (Johannes 1:1-3)
- Die Heilige Gees (Johannes 14:26) wie die Gees van die Vader en die Seun is (Romeine 8:9).
Die verklaring van Jesus in Johannes 14:6
“Ek is die weg en die waarheid en die lewe; niemand kom na die Vader behalwe deur My nie.”
Ander kernwaarhede van die Christelike geloof waarin ons glo is:
- Die geboorte, lewe, kruisiging, opstanding, hemelvaart en wederkoms van Jesus.
- Die wedergeboorte van die mens uit Gees en water
- Die invulling, vrug en gawes van die Heilige Gees
- Die lering van die koninkryk van God
- Die eindtyd gebeure
- ‘n Nuwe hemel en ‘n nuwe aarde
Hierdie waarhede vorm die fondasie van ons prediking en ons geloofslewe.
